繁花,闲话,上海,听钱程
王家卫执导个电视连续剧《繁花》,十年磨一剑,终于闪亮登场,各种评说像潮水一样冲过来,关注度第一无法否定。
到目前为止,勿满意个声音大致有两点:一是和原著比,认为人物、情节等等差别太大;二是勿适应王氏表达方式,走勿进“黄河路”。首先,王家卫拍戏,从来勿谈忠于原著,电视剧《繁花》只不过取了原著里几个人物个名字,以及伊拉之间个大致关系,挑出某个历史时段,放大、渲染、深化。所以,谈论王家卫个《繁花》呒没必要拿金宇澄个原著扯进来。而电视剧《繁花》眼花缭乱个剪辑,快节奏个切入,貌似随意个倒叙,再加上一点“忠于原著”个旁白,对已经养成看剧习惯的个人来讲,陌生感强烈是正常嗰。
一般常规个电视剧,应该类似于章回体小说,每一集有一个小高潮,用来吸引观众。当然,大多数电视剧呒没做到。王家卫个电视剧处女作呒没遵循搿种规律,仍旧采用拍电影个思路,只不过受每一集长度个限制,勿得勿分出一两三四……当然,搿能处理突出了王家卫个特点,同时包括了优点和缺点,只有拿电视剧《繁花》当作一部超长个电影,来看宝总和三个女人个故事,才会原谅某几集个相对平缓和冗繁,而惊诧于某几集个精彩和刺激。
总体来讲,王家卫个《繁花》个影调是好得呒没闲话讲嗰,商战戏拍出了谍战戏、反毒戏个感觉也老惊艳。重要个是,伊拿近几年来上海话被综艺化、滑稽化、庸俗化个倾向扳回到正常个沪语语境。跟广东闲话以及任何方言一样,上海话也勿应该被用来作为低级消费个元素,无论《繁花》个原著还是电视剧,侪做到了。
现在还只是看了几集《繁花》,接下来个感觉哪能勿好讲,只有“勿响”。(作者:老老夏;朗读:钱程)
本文来源系统网络数据抓取,如不想被抓取传播,请告知删除并停止抓取传播,谢谢
特别声明：本文为城市头条城市号作者或机构上传并发布，仅代表该作者或机构观点，不代表城市头条的观点或立场，城市头条仅提供信息发布平台。
版权声明：版权归著作权人，转载仅限于传递更多信息，如来源标注错误侵害了您的权利，请来邮件通知删除chengshitoutiao@139.com，一起成长谢谢
欢迎加入：城市号，开启无限创作！一个敢纰漏真实事件，说真话的创作分享平台，一个原则：只要真实，不怕事大，有线索就报料吧！申请城市号请用电脑访问http://mp.chengshitoutiao.com。
